Заключны акорд лета: аб надвор’і на апошнія дні жніўня

Заключны тыдзень лета чакаецца па-сапраўднаму цёплым, будзе сонечна і без ападкаў.
Сёння, 27 жніўня, на працягу дня спецыялісты перадаюць бязвоблачнае надвор’е і да +25…+27 °С, без дажджу. Вецер — паўночны, але не надта моцны: 1 — 3 метры за секунду. Уначы — +13…+17 °С.

У сераду — малавоблачна і таксама без ападкаў. Усходні вецер складзе 3 — 5 м/с. Дзённая тэмпература — 24…25 градусаў вышэй за нуль. Ноччу — 13…16 цяпла.
Больш ветрана будзе ў чацвер: паўднёва-ўсходні вецер — 6 — 8 м/с, з парывамі да 10. Удзень паветра прагрэецца да +21…+24 °С, уначы — 13…15 з плюсам.
30 жніўня — бясхмарна і без ападкаў. Удзень — +22…+25 °С, вецер — паўднёва-ўсходні, 5 — 7 м/с. Ноччу — +13…+15 °С.
Пра надвор’е на выхадныя чытайце ў наступным нумары газеты.
“НН”.