Як выхаванцы яслі-сада №2 вывучаюць родную мову

Каб быць патрыётам краіны, вельмі важна ведаць сваю родную мову. Каб гучала родная мова ў дзіцячым садку, патрэбна на ёй размаўляць і дарослым, і выхаванцам. У рознаўзроставай группе дзяржаўнай установы адукацыі «Яслi-сад №2 г. Ганцавічы» кожны чацвер выхавацель Ірына Грэбень праводзіць з дзецьмі заняткі па развіццю беларускага маўлення ў форме гульні. Для тако, каб замацаваць навыкі выхаванцаў, Ірына Міхайлаўна арганізоўвае гульнявыя сітуацыі для развіцця звязнага маўлення, напрыклад “Жывы агарод”.

Каб пашырыць уяўленні пра восень, як ураджальную пару, выхавацель праводзіць з дзецьмі пазнавальныя размовы, у працэсе якіх яны адказваюць на пытанні па малюнках, тым самым набіраюцца навыкаў разумець беларускую мову і размаўляць на ёй.

Акрамя заняткаў Ірына Міхайлаўна ў вольнай дзейнасці, з дапамогай адукацыйнай паслугі звыш базавага кампанента “Творчая майстэрня”, праз дэкаратыўна-прыкладное мастацтва Белалусі – ткацтва, прывівае сваім выхаванцам любоў і пашану да свайго роднага краю, культуры, роднай мовы.

Змест дзейнасці адукацыйнай паслугі “Творчая майстэрня” садзейнічае лепшаму ўспрыманню дзецьмі любога мастацкага твора, фарміраванню самасвядомасці, эстэтычнага стаўлення да прыроднага асяродзя, элементарных паняццяў аб колеры, каларыце, кампазіцыі і іх ролі пры стварэнні мастацкіх твораў, у прыватнасці габелена.

У час асваення рамяства дзеці даведваюцца пра гісторыю народнай культуры, асновы малюнка і кампазіцыі, развіваюць маральна эстэтычны светапогляд, густ.

Асноўная мэта дзейнасці Ірыны Міхайлаўны, як выхавацеля, напраўлена на развіццё ў дзяцей цікавасці да ўнікальнай традыцыі беларускай народнай творчасці, стварэння ўмоў для сацыяльнай адаптацыі дашкольнікаў праз розныя віды дзейнасці.

С.Г. Жук, намеснік загадчыка па асноўнай дзейнасці ДУА “Яслі-сад № 2г. Ганцавічы” .