Гродзенскі таксовец заснуў за рулём і ўрэзаўся ў слуп на прыпынку (фота)

ДТЗ з удзелам таксоўкі адбылося ў Гродне 21 верасня ў 5:40 на вуліцы Сацыялістычнай, піша прэс-служба гродзенскай ДАІ. 

35-гадовы таксовец на "Фальксвагене" вёз пасажырку на аўтавакзал. Каля прыпынку "Вячэрняя школа" мужчына заснуў за рулём, машына выехала на тратуар і ўрэзалася ў слуп.

Пасажыркай таксоўкі была другакурсніца гродзенскага ўніверсітэта. Яна ехала на аўтавакзал, каб адправіцца на сямейную ўрачыстасць. Аднак замест гэтага дзяўчына з сур'ёзным пераломам апынулася ў лякарні.

На шчасце, на тратуары ў гэты час нікога не было.

Па факце ДТЗ праводзіцца праверка.