Бабіна лета затрымаецца на выходныя

У суботу, 26 кастрычніка, у Беларусі чакаецца воблачнае з праясненнямі надвор'е, паведамляе Белгідрамет. 

Істотных ападкаў не прагназуецца. Уначы і зранку месцамі будзе туман. Вецер будзе заходні, паўднёва-заходні ўмераны, удзень парывісты. 
Уначы прагназуецца 5-11 вышэй за нуль, удзень паветра прагрэецца да 13-19 градусаў цяпла.

27 кастрычніка захаваецца пераменная воблачнасць. Будзе пераважна без ападкаў, толькі ўдзень па паўночным захадзе пройдуць невялікія кароткачасовыя дажджы. 

Уначы і зранку будзе слабы туман. Вецер паўднёва-заходні парывісты, удзень па паўночнай палове месцамі моцны парывісты. 

Уначы тэрмометры пакажуць 5-12 цяпла, удзень чакаецца +13...+20, па поўдні — да 22 вышэй за нуль.