Для міждзяржаўных кантактаў

Беларусь і Швейцарыя зацікаўлены ў павышэнні ўзроўню і інтэнсіўнасці міждзяржаўных кантактаў. Размова аб гэтым ішла 12 снежня ў Берне ў час чарговага раўнда палітычных кансультацый паміж знешнепалітычнымі ведамствамі дзвюх краін. Мерапрыемства прайшло ў час візіту ў Швейцарыю намесніка міністра замежных спраў Беларусі Алега Краўчанкі. Швейцарскую дэлегацыю ўзначаліла намеснік дзяржаўнага сакратара Федэральнага дэпартамента замежных спраў Крысціна Марці Ланг. Бакі разгледзелі шырокі спектр пытанняў, уключаючы стан і перспектывы далейшага развіцця палітычнага дыялогу, гандлёва-эканамічнага, інвестыцыйнага, навуковага, гуманітарнага, консульскага супрацоўніцтва, узаемадзеяння ў міжнародных арганізацыях, у сферах абароны правоў чалавека і ліквідацыі надзвычайных сітуацый.

БелТА.