Мокры снег з дажджом і парывісты вецер прагназуюць на 24 студзеня

У пятніцу, 24 студзеня, у Беларусі будзе пераважаць воблачнае надвор'е, паведамляе Белгідрамет. 

На большай частцы тэрыторыі пройдуць кароткачасовыя ападкі — мокры снег, які будзе пераходзіць у дождж. Уначы і зранку месцамі прагназуецца слабы галалёд, на асобных участках дарог — галалёдзіца. Вецер будзе заходні парывісты, раніцай і днём у многіх раёнах моцны парывісты. 

Уначы чакаецца -4...+1, удзень тэрмометры пакажуць ад 0 да 6 градусаў цяпла.