Да +30 будзе ў Мінску 19 чэрвеня

19 чэрвеня ў Беларусі чакаецца пераменная воблачнасць, паведамляе Белгідрамет. 

Месцамі, а ўдзень па большай частцы Брэстчыны і Гродзеншчыны пройдуць кароткачасовыя дажджы, у асобных раёнах прагрымяць навальніцы. Вецер будзе паўднёва-ўсходні — уначы слабы, удзень умераны. Пры навальніцах прагназуецца парывісты вецер. 

Тэрмометры ўначы пакажуць 14-20 вышэй за нуль, удзень чакаецца 26-32 цяпла. У Мінску ўдзень будзе да +30.