Фёдараў: “Туркмэнскі газ ня можа патрапіць да нас, абмінаючы Расею”

Источник материала:

Многія экспэрты называюць афіцыйны візыт у Беларусь прэзыдэнта Туркмэністану Гурбангулы Бэрдымухамэдава “энэргетычным”. Яны зыходзяць з таго, што гэта краіна мае вялікія радовішчы газу, а Беларусь зацікаўленая ў яго атрыманьні.Менскі палітоляг Андрэй Фёдараў больш асьцярожны ў ацэнках такога падыходу:

“Я пакуль што ня бачу, як можна вырашыць гэту праблему тэхнічна, як гэты газ адтуль даставіць сюды. Усё роўна пакуль гэта можна зрабіць толькі праз Расею. Тыя праекты, якія існуюць у абыход Расеі, празь Каўказ і Ўкраіну яшчэ ў прынцыпе ня вырашаныя, а рэалізацыя іх бачыцца яшчэ дзесьці пазьней.Таму мне цяжка ўявіць, як туркмэнскі газ можа трапіць у Беларусь акрамя як празь Расею. А з Расеяй, мне здаецца, пытаньне будзе ня вырашана доўга”.