У шэрагах кандыдатаў у Віцебскі гарсавет зьявілася “вакантнае месца”

05.04.2010 — Новости Политики |

Размер текста:: A; A; A

Источник материала:

На афіцыйным сайце Віцебскага гарвыканкаму зьявілася паведамленьне, што палітычныя партыі ды працоўныя калектывы могуць вылучыць аднаго новага кандыдата ў дэпутаты, бо ўжо зарэгістраваны безальтэрнатыўны кандыдат Андрэй Голуб “выбыў пасьля рэгістрацыі”.

Што значыць “выбыў”, у гарадзкой выбарчай камісіі тлумачыць адмаўляюцца. Паводле зьвестак аднаго з калег-кандыдатаў, спадар Голуб трапіў у шпіталь з сардэчным прыступам і адмовіўся ад удзелу ў выбарах па Фрунзенскай выбарчай акрузе № 13.

Апазыцыйныя партыі вылучаць яшчэ аднаго кандыдата са сваіх шэрагаў не зьбіраюцца. Не таму, што прымхліва пабойваюцца “нешчасьлівага” нумару, а таму, што ня маюць надзеі на рэгістрацыю свайго прадстаўніка на безальтэрнатыўнае месца.