Гомельскія дэмсілы заклікаюць да адзінага кандыдата

Источник материала:

Каардынацыйная рада Аб’яднаных дэмсілаў Гомельскай вобласьці прапанавала правесьці ў другой палове ліпеня ў Гомелі сустрэчу палітыкаў, якія выказалі намер балятавацца на прэзыдэнцкіх выбарах.Адмысловы зварот рада распаўсюдзіла разам з кандыдатам на ўдзел ў прэзыдэнцкіх выбарах ад Беларускай партыі «Зелёныя» Юр’ем Глушаковым.

«Ад таго, наколькі моцнай і згуртаванай будзе беларуская апазыцыя, залежыць вельмі многае. І вось у той час, калі ўсё прыкметней становіцца „крызіс вярхоў“, ня меншы крызіс напаткаў „вярхі“ дэмакратычных сілаў», — адзначаецца ў звароце.

Паводле Глушакова і Каардынацыйнай рады АДС Гомельскай вобласьці, неабходна тэрмінова пераадолець сытуацыю раздробленасьці ў дэмакратычным лягеры. Аўтары звароту спадзяюцца, што лідэры апазыцыі змогуць выпрацаваць мэханізм вызначэньня адзінага кандыдата.