Дзейнасць КС Беларусі па забеспячэнні канстытуцыйнай законнасці стане больш выніковай. 21.by

Дзейнасць КС Беларусі па забеспячэнні канстытуцыйнай законнасці стане больш выніковай

01.02.2013 — Новости Политики |  
Размер текста:
A
A
A

Источник материала:

Аб гэтым падчас рабочай сустрэчы з Прэзідэнтам Беларусі Аляксандрам Лукашэнкам праінфармаваў старшыня Канстытуцыйнага Суда Пётр Міклашэвіч.

Як праінфармавалі ў прэс-службе, на сустрэчы была звернута ўвага, што для павышэння эфектыўнасці ўздзеяння права ў розных сферах неабходна ўзмацніць канстытуцыйны кантроль над нарматворчасцю.

Чакаецца, што ў бліжэйшы час парламентам будзе прыняты законапраект аб канстытуцыйным судаводстве, унесены Прэзідэнтам. Дзякуючы новай працэсуальнай аснове дзейнасць Канстытуцыйнага Суда па зацвярджэнні канстытуцыйнай законнасці нарматворчасці і правапрымянення стане больш выніковай.

Як адзначылі ў прэс-службе Прэзідэнта, падчас сустрэчы кіраўнік дзяржавы станоўча ацаніў дзейнасць Канстытуцыйнага Суда па ўмацаванні канстытуцыйнай законнасці ў 2012 годзе.

Аляксандр Лукашэнка адзначыў, што Канстытуцыйнаму Суду неабходна ўзяць на кантроль выкананне Паслання Канстытуцыйнага Суда Прэзідэнту Рэспублікі Беларусь, Палаце прадстаўнікоў і Савету Рэспублікі Нацыянальнага сходу "Аб стане канстытуцыйнай законнасці ў Рэспубліцы Беларусь у 2012 годзе". "Вы прадставілі дакумент аб стане канстытуцыйнай законнасці ў Беларусі ў 2012 годзе. Я яго накіраваў з адпаведнай рэзалюцыяй усім для выканання. Вазьміце гэта на кантроль. Інфармуйце мяне аб выкананні дзяржаўных прапаноў, якія выкладзены ў вашым дакуменце. Гэта асноўнае", — сказаў Прэзідэнт.

"Калі, напрыклад, урад, суды і іншыя органы ўлады на выяўленыя недахопы не рэагуюць, то, напэўна, трэба мяне падключаць да гэтага працэсу, — адзначыў кіраўнік дзяржавы. — Гэта недапушчальна, калі Канстытуцыйны Суд у такой, можна сказаць, мяккай форме прапануе адрэагаваць на недахопы, а меры не прымаюцца".

Аляксандр Лукашэнка пацікавіўся таксама якасцю законапраектаў, якія прымае парламент: "Якая сітуацыя з законамі, як, з вашага пункту гледжання, працуе парламент, як вы наогул ацэньваеце яго патэнцыял?"

Як адзначыў Пётр Міклашэвіч, у парадку папярэдняга канстытуцыйнага кантролю КС праверыў усе законы, прынятыя парламентам. Усе яны былі прызнаны адпаведнымі нормам і прынцыпам Канстытуцыі.

Кіраўнік дзяржавы таксама быў праінфармаваны аб міжнародным супрацоўніцтве КС з аналагічнымі органамі іншых краін, з Венецыянскай камісіяй Савета Еўропы, было ўзгоднена пытанне аб дэлегаванні ў якасці прадстаўніка Беларусі ў гэту камісію намесніка старшыні Канстытуцыйнага Суда Вольгі Сяргеевай.

На сустрэчы таксама былі ўзгоднены некаторыя арганізацыйныя пытанні да 20-гадовага юбілею КС, які будзе адзначацца ў 2014 годзе. У сувязі з гэтым Канстытуцыйны Суд мае намер правесці міжнародны форум з удзелам сваіх калег з еўрапейскіх краін, постсавецкай прасторы.

Прэс-служба Прэзідэнта Рэспублікі Беларусь.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Аб гэтым падчас рабочай сустрэчы з Прэзідэнтам Беларусі Аляксандрам Лукашэнкам праінфармаваў старшыня Канстытуцыйнага Суда Пётр Міклашэвіч.
 
 
 

РЕКЛАМА

Архив (Новости Политики)

РЕКЛАМА


Яндекс.Метрика