Делегаты съезда СПБ намерены выступить с обращением к президентам Беларуси и Польши

Источник материала: БелТА

Iрына ПРЫМАК

Футбол

Футбольны сезон можна лiчыць адкрытым: у чатырох гарадах Беларусi (Вiцебску, Мiнску, Гродне i Пiнску) стартаваў першы розыгрыш «Кубка федэрацыi».

Па задуме арганiзатараў шаснаццаць каманд вышэйшай лiгi i дзве з першай (сталiчны «Лакаматыў» i пiнская «Хваля») бяруць удзел у гэтым турнiры, каб лепш падрыхтавацца да нацыянальнага чэмпiянату, але ў большасцi ў сёлетнiх спаборнiцтвах удзельнiчаюць не асноўныя саставы клубаў, а дублi, бо тэрмiн правядзення новага турнiру супаў з часам правядзення замежных збораў для большасцi галоўных каманд. I ўсё ж «Кубак федэрацыi» нясе вялiкую карысць, бо трэнеры маюць магчымасць зiрнуць на патэнцыяльных кандыдатаў у «аснову» непасрэдна на полi, праверыць блiжэйшы рэзерв у матчах.

Вынiкi першых матчаў: група «А»: БАТЭ (Барысаў) — «Гомель» — 4:2, «Вiцебск» — «Днепр» (Магiлёў) — 3:0; група «Б»: «Дынама» (Мiнск) — «Мiнск» — 1:3, «Дарыда» (Ждановiчы) — «Тарпеда» (Жодзiна) — 2:0; група «В»: МТЗ-РIПА (Мiнск) — «Лакаматыў» (Мiнск, Д2) — 0:0, «Нёман» (Гродна) — «Смаргонь» — 1:3; група «Г»: «Шахцёр» (Салiгорск) — «Хваля» (Пiнск, Д2) — 1:1, «Нафтан» (Наваполацк) — «Дынама» (Брэст) — 5:0. Другi тур «Кубка федэрацыi» адбудзецца 15 сакавiка, трэцi — 18-га. 22 сакавiка пройдуць паўфiнальныя сустрэчы, пераможцы якiх разыграюць памiж сабой (25 сакавiка) Кубак першых афiцыйных спаборнiцтваў новага футбольнага сезона.

Теги: Гомель