Харкавец: Мэтазгоднасць новай праграмы МВФ для Беларусі будзе залежаць ад стану замежных рынкаў

Источник материала:

Мэтазгоднасць новай праграмы МВФ для Беларусі будзе залежаць ад стану замежных рынкаў. Аб гэтым паведаміў сёння журналістам міністр фінансаў Беларусі Андрэй Харкавец.

Андрэй Харкавец нагадаў, што неабходнасць рэалізацыі дзеючай праграмы з МВФ была выклікана патрэбамі ў дадатковым фінансаванні для нашай краіны праз змяненне кан’юнктуры на замежных рынках. «Калі ў далейшым знешнія рынкі будуць больш камфортныя, будзе больш станоўчых тэндэнцый на іх, то знізіцца патрэбнасць у дадатковым замежным фінансаванні», — сказаў ён.

Міністр фінансаў таксама адзначыў, што неабходнасці ў новай праграме з МВФ не будзе, калі Беларусь зможа забяспечыць прыток прамых замежных інвестыцый, першапачаткова падрыхтаваўшы праекты для іх. Паводле яго слоў, замежныя банкі выказваюць актыўную зацікаўленасць у крэдытаванні нашай эканомікі. Такім чынам, рашэнне аб прадаўжэнні праграмы з МВФ будзе абумоўлена сукупнасцю гэтых фактараў.

Гаворачы аб цяперашняй праграме з фондам, Андрэй Харкавец адзначыў: «Мы разлічваем, што праграма з МВФ будзе выканана ў поўным аб’ёме. Мы робім усё для таго, каб гэта было менавіта так, і разлічваем, што ўсе траншы будуць атрыманы ў вызначаныя тэрміны».