Затрыманы прыяцель Сяргея Каваленкі – яго схапілі, калі выносіў смецце

Источник материала:

У суботу, 9 студзеня, быў затрыманы знаёмы Сяргея Каваленкі актывіст «Маладой Беларусі» Тарас Сурган. Ён затрыманы быў у той момант, калі выносіў з хаты смецце.

Пра гэта НН паведаміў Павел Севярынец.

Тараса адвезлі ў Кастрычніцкі РУУС Віцебска, зазначыў Севярынец.

Нагадаем, што актывіст КХП – БНФ Сяргей Каваленка быў затрыманы 7 студзеня пасля таго, як узняў бел-чырвона-белы сцяг на галоўнай ялінцы Віцебска. Ён змешчаны ў ізалятар часовага ўтрымання, у дачыненні да актывіста заведзена крымінальная справа.

Сёння таксама актывісты «Еўрапейскай Беларусі» перад будынкам Кастрычнікага РУУСа павесілі расцяжку «Свабоду Каваленку».

У панядзелак, 11 студзеня, віцебскія апазіцыянеры збіраюцца на пасяджэнне аргкамітэта, дзе будуць вырашаць як бараніць Каваленку.