Радыё TUT.BY ператварылася... у iнтэрнэт-тэлебачанне

27.01.2010 — Новости Общества |

Размер текста:: A; A; A

Источник материала:

Праiснаваўшы два гады на стыку радыё-, iнтэрнэт- i друкаванага СМІ, радыё беларускага партала TUT.BY дабавiла чацвёрты кампанент — вiзуальны. З восенi 2009 года тут пачаўся паступовы пераход у тэлевiзiйны фармат, i ўжо ў сёлетнiм студзенi Rаdiо.TUT.BY пачало выходзiць у эфiр з новай студыi — адначасова радыйнай i тэлевiзiйнай.

Цяпер наведвальнiкi партала, наведаўшы старонку www.rаdiо.tut.bу, штодня могуць пачуць i ўбачыць у прамым эфiры выступленнi прадстаўнiкоў мiнiстэрстваў i ведамстваў, меркаваннi спецыялiстаў у розных галiнах, прадстаўнiкоў грамадскiх арганiзацый, вядомых бiзнэсменаў, зорак эстрады... Напрыклад, кожны тыдзень для дзелавых людзей выходзяць праграмы "Час бiзнэсу" i "Лiтара закону". Шчырую гаворку з першымi асобамi вядзе Юрый Зiсер у праграме "Экспертыза". У эфiры праграмы "Асабiстая справа" ў гасцях у Аляксея Вайткуна ўжо былi такiя вядомыя асобы, як Кiра Муратава, Юрый Шаўчук, Сяргей Шнураў... Меламанаў TUT.BY запрашае на "Джаз-ланч" i "Джаз-пiк", таксама рыхтуецца праграма аб аўтарскай песнi. I гэта, запэўнiвае каманда радыё, далёка не ўсе сюрпрызы. Карацей, iнтэрнэт-тэлебачанне, нягледзячы на юны ўзрост, гатовае скласцi сур'ёзную канкурэнцыю "традыцыйным" тэлеканалам!

Даведка

Iнтэрнэт-радыё TUT.BY ў свой час стала iнiцыятарам такiх буйнамаштабных праектаў у беларускiм iнтэрнэце, як "Жаночае iмя Беларусi", "Гарачая лiнiя Байнэту", "Дай iмя цягнiку" i г.д. Праект "100 дарог", якi стартаваў у красавiку 2009 года", атрымаў залаты медаль конкурсу "Брэнд года" ў намiнацыi "Сацыяльнае партнёрства".