РОЗГАЛАС

Источник материала:

У параўнаннi са студзенем мiнулага года спажывецкiя цэны ў сёлетнiм студзенi выраслi на 6,6 працэнта. Валавы ўнутраны прадукт, згодна з аператыўнымi звесткамi Белстата, павялiчыўся на 1,3 працэнта ў параўнаннi з узроўнем аналагiчнага леташняга перыяду i склаў амаль 9,834 трыльёна рублёў. Аб'ём прамысловай вытворчасцi сёлета за месяц павялiчыўся ў параўнаннi са студзенем 2009-га на 2,5 працэнта i склаў 10,44 трыльёна рублёў, спажывецкiх тавараў — на 5 працэнтаў (2,419 трыльёна), прадукцыi сельгасвытворчасцi — на 5,7 працэнта (1,162 трыльёна), рознiчны таваразварот павялiчыўся на 7,2 працэнта i склаў 4,644 трыльёна рублёў.

Як паведамiў карэспандэнту "Звязды" старшы памочнiк пракурора горада Мiнска Сяргей Балашаў, 16-гадовая вучанiца 11-га класа адной са сталiчных школ знаходзiлася ў ванным пакоi каля двух гадзiн дня, калi здарылася бяда. Паводле папярэднiх звестак, дзяўчына прымала ванну i пацягнулася за лазневымi прыналежнасцямi, якiя знаходзiлiся за пральнай машынай: машына хоць i не працавала, але вiлка ад шнура знаходзiлася ў незаземленай разетцы, на яе, магчыма, дзяўчына i натыкнулася мокрай рукой. Урачы, якiя прыбылi на месца здарэння, ужо нiчым не змаглi дапамагчы пацярпелай.

Гэта мы, Госпадзi...

Як распавёў карэспандэнту "Звязды" старшы памочнiк пракурора горада Мiнска Сяргей Балашаў, чорная кошка прабегла памiж 21-гадовай жанчынай i яе 27-гадовым сябрам, калi яны знаходзiлiся ў гасцях у бацькоў у доме на вулiцы Ротмiстрава. Будучая мацi (жанчына на 10-м месяцы цяжарнасцi) i яе мужчына ў нейкi момант не знайшлi агульнай мовы: паводле папярэднiх звестак, ён быў супраць, каб яго каханая за сталом выпiвала алкагольны напой. Слова за слова i, мабыць, шмат крыўднага прагучала, бо мужчына схапiўся за нож i ўдарыў iм пацярпелую ў жывот. А сам потым выбег на балкон i скокнуў унiз з сёмага паверха... Яму медыкi ўжо нiчым не маглi дапамагчы, бо мужчына загiнуў на месцы здарэння. Жанчыну ж з нажавым раненнем даставiлi ў бальнiцу.

Бяда здарылася ў гарадскiм пасёлку Ружаны Пружанскага раёна сярод белага дня. 22-гадовая мацi дваiх дзяцей адлучылася ў краму ўсяго на некалькi хвiлiн. Тых ракавых хвiлiн хапiла, каб 5-гадовы хлопчык падпалiў газеты каля ложка сваёй маленькай сястры. Мацi застала полымя ў пакоi, але паспела схапiць дзяцей, вынесцi на вулiцу. Разам з суседкай яны спрабавалi iм дапамагчы. "Хуткая дапамога" прыйшла адразу, але медыкi канстатавалi смерць малых ад атручэння чадным газам.

Як лiчаць прадстаўнiкi аргкамiтэта конкурсу, у Беларусi склалася сiтуацыя, калi кожны лiкёра-гарэлачны завод вырабляе дзясяткi розных гарэлак, а на алкагольным рынку краiны ўтварылiся сотнi гарэлачных брэндаў. Гэта замаруджвае выбар якаснага прадукту для спажыўца, для iмпарцёраў i гандлёвых сетак. Вось чаму ў Беларусi неабходнае правядзенне незалежнага конкурсу: каб вызначыць самыя якасныя гарэлачныя брэнды, якiя павiнны дамiнаваць у гандлёвых сетках на ўнутраным рынку, экспартавацца за мяжу, упэўненыя ў аргкамiтэце. Тым больш, дадаюць там, усё часцей еўрапейскiя iмпарцёры алкагольнай прадукцыi пры заключэннi кантрактаў звяртаюць увагу на гарэлкi, у якiх ёсць медалi конкурсу — своеасаблiвыя сертыфiкаты якасцi алкагольнай прадукцыi ў краiнах ЕС. Афiцыйная цырымонiя ўзнагароджання адбудзецца ў Канах у пяцiзоркавым гатэлi 20 мая — падчас правядзення мiжнароднага Канскага кiнафестывалю.