За студзень насельніцтва Беларусі зьменшылася на 13,6 тысячы

27.02.2010 — Новости Общества |

Размер текста:: A; A; A

Источник материала:

Колькасьць насельніцтва Беларусі за студзень 2010 году зьменшылася на 13,6 тысячы ў параўнаньні са студзенем 2009 году. Як паведамляе Нацыянальны статыстычны камітэт, па стане на 1 лютага 2010 году ў краіне пражывала 9 млн. 477,2 тыс. чалавек.

Інфармацыя атрымана паводле зьвестак бягучага ўліку і папярэдніх вынікаў перапісу насельніцтва 2009 году.

У Менску за студзень 2010 года колькасьць насельніцтва павялічылася з 1 млн. 806,2 тыс. да 1 млн. 835,2 тысячы. У астатніх рэгіёнах краіны гэты паказчык зьнізіўся.

у Гомельскай вобласьці на 1 лютага 2010 года налічвалася 1 млн. 437,6 тыс. жыхароў (на 1 лютага 2009 года — 1 млн. 441,6 тыс.),
у Менскай — 1 млн. 418,2 тыс. (1 млн. 428,9 тыс.),
у Берасьцейскай — 1 млн. 398,3 тыс. (1 млн. 403,5 тыс.),
у Віцебскай — 1 млн. 227,8 тыс. (1 млн. 235,7 тыс.),
у Магілёўскай — 1 млн. 91,1 тыс. (1 млн. 100,3 тыс.),
у Гарадзенскай — 1 млн. 69 тыс. (1 млн. 74,6 тыс.).

За студзень 2010 году ў краіне нарадзілася 8 тыс. 481 дзіця (на 824 менш у параўнаньні са студзенем 2009 году), памёр 12 тыс. 391 чалавек (на 229 больш).

У гэты ж пэрыяд у краіну прыбыло 1.447 чалавек, паехала з краіны — 558. Міграцыйны прырост склаў 889 чалавек.

У студзені 2010 года ў параўнаньні са студзенем 2009 года колькасьць зарэгістраваных шлюбаў павялічылася на 6% (да 4 тыс. 706), скасаваньняў шлюбу — скарацілася на 5,5% (2 тыс. 611).