АБЗАЦ

Источник материала:

Паводле аператыўных дадзеных, у Беларусі ў студзені-лютым гэтага года колькасць занятых у эканоміцы склала 4614,7 тыс. чалавек, паведамілі ў Нацыянальным статыстычным камітэце рэспублікі.

Цэнтральная камісія Беларусі па выбарах і правядзенні рэспубліканскіх рэферэндумаў дазволіць выбаршчыкам паказваць для галасавання замест пашпарта іншыя дакументы. Адпаведнае рашэнне ЦВК плануе прыняць на пасяджэнні 15 красавіка. Пра гэта паведаміў сакратар Цэнтрвыбаркама Мікалай Лазавік.

У Мінску з 15 красавіка завяршаецца ацяпляльны сезон для ўсіх катэгорый спажыўцоў, у тым ліку ў жылым сектары. Пра гэта паведамілі ў прэс-цэнтры Мінгарвыканкама. Выключэнне — дзіцячыя дашкольныя ўстановы, школьныя, лячэбна-прафілактычныя, медыцынскія ўстановы, а таксама ўстановы сацыяльнага забеспячэння, музеі і дзяржаўныя архівы.

9 красавіка кіроўца машыны хуткай медыцынскай дапамогі ўчыніў наезд на 83-гадовую жанчыну. Машына рухалася заднім ходам па тратуары двара дома № 2 па вуліцы Бельскага ў Мінску. Пенсіянерка дастаўлена ў бальніцу хуткай медыцынскай дапамогі з лёгкай чэрапна-мазгавой траўмай і пераломамі рукі.

10 красавіка на тэрыторыі гаражнага масіву на вуліцы Лынькова 41-гадовы кіроўца "БМВ", рухаючыся заднім ходам, наехаў на сямігадовага хлопчыка, які знаходзіўся ззаду машыны. У выніку ДТЗ у дзіцяці — чэрапна-мазгавая траўма сярэдняй ступені цяжкасці, траўмы пазваночніка.

Школьнікі і студэнты з Аргенціны змогуць паглядзець матчы Чэмпіянату свету па футболу ў час заняткаў у класах і аўдыторыях. Чыноўнікі з упраўлення адукацыі лічаць, што трансляцыя футбольных матчаў замест заняткаў дазволіць знізіць колькасць прагулаў. Прагляд матча замест заняткаў зойме дзе гадзіны вучэбнага часу, а калі яны прагуляюць заняткі, каб паглядзець гульню, то прапусцяць шэсць гадзін.