На выбарчым участку ў Гомелі дзяржаўны сцяг тры дні вісеў зялёнай паласой зверху

Источник материала:

На ўчастку №8 Свірыдаўскай выбарчай акругі Гомеля дзяржаўны сцяг тры дні правісеў зялёнай паласой уверх.

Як паведаміў актывіст грамадзянскай кампаніі «Наш дом» Андрэй Аксёнаў, які з"яўляецца даверанай асобай кандыдата ў дэпутаты Мікалая Калюкі, гэта заўважыў адзін з выбаршчыкаў, пасля чаго члены камісіі павесілі дзяржаўны сцяг правільна. «Незразумела, ці то члены камісіі не ведаюць дзяржаўных сімвалаў,

ці то лічаць не вельмі важным, як будзе вісець сімвал дзяржаўнасці», — сказаў Аксёнаў.

Раней ён неаднаразова звяртаў увагу ўладаў Гомеля на тое, як размешчаны дзяржаўныя сцягі на будынках горада — і ўверх зялёным полем,

і з арнаментам з правага боку.

Пасля скаргаў актывіста парушэнні выпраўляліся.

Алена Германовіч, БелаПАН.

Теги: Гомель