Бел-чырвона-белы сцяг у гонар Грунвальда

Источник материала:

Ён быў вывешаны каля 23.30 на электрычных дратах недалёка ад Камбіната мастацтваў. І бачыць сьцяг маглі мінакі, якія вярталіся з канцэртаў «Славянскага базару» або тыя, хто проста прагульваўся па горадзе.

Паводле віцебскага апазыцыянэра Барыса Хамайды, да сьцяга была прымацавана цыдулка: «Да 600-годзьдзя гістарычнай перамогі пад Грунвальдам. 15 ліпеня 1410 гду аб’яднаныя сілы ВКЛ і Польшчы пры ўдзеле чэскіх ваяроў і татарскіх атрадаў ушчэнт разьбілі крыжакоў Тэўтонскага ордэну. Войскамі ВКЛ кіраваў Вялікі князь Вітаўт. Вечная слава героям! Жыве Беларусь! Жыве вечна! Мірон».

Спадар Хамайда кажа, што зьмест цыдулкі вядомы яму з крыніцаў, вартых даверу. Што да сьцяга, то ён лунаў над Віцебскам нядоўга — ўраньні яго ўжо не было.