Пельмені з сібірскай язвай у Беларусь не трапяць

Источник материала:

У сувязі з успышкай у Расійскай Федэрацыі сібірскай язвы Міністэрства аховы здароўя інфармуе насельніцтва аб тым, што ў Беларусі эпідсітуацыя па сібірскай язве застаецца спакойнай. Больш за тое, за апошнія 10 гадоў выпадкі захворвання на сібірскую язву на тэрыторыі Беларусі не рэгістраваліся.

Нагадаем, што ў Расійскай Федэрацыі групавая захваральнасць людзей звязана з утрыманнем і забоем коней у адной з прыватных гаспадарак вёскі Буранаўка Цюкалінскага раёна. Тушы забітых коней накіроўваліся з гэтай гаспадаркі на адзін з мясакамбінатаў горада Омска для перапрацоўкі на паўфабрыкаты (мяса, у прыватнасці, выкарыстоўвалася пры вытворчасці пельменяў кампаніі "Дарына"). Партыі патэнцыйна небяспечных пельменяў былі адпраўленыя ў Ніжнявартаўск, Твер, Ханты-Мансійск і ў расійскую сталіцу. Зараз на стацыянарным лячэнні з падазрэннем на сібірскую язву знаходзіцца 7 чалавек, у тым ліку адзін чалавек - у цяжкім стане.