У Лепелі адкрылі помнік Льву Сапегу

13.09.2010 12:16 — Новости Общества |

Размер текста:: A; A; A

Источник материала:

11 верасня ў Лепелі ўрачыста адкрылі помнік вялікаму гетману і вялкаму канцлеру Вялікага Княства Літоўскага Льву Сапегу. Адзін з вядомейшых беларускіх магнатаў пэўны час валодаў гэтым горадам.

Агульная вышыня помніка з пастаментам каля 3.5 метра. Леў Сапега стаіць у кунтушы паўзверх кірасы, у правай руцэ трымае булаву — адзнаку гетманскай улады, а левай апіраецца на эфес шляхецкай шаблі.

Аўтар помніка — мінчанін Леў Аганаў, які раней выканаў помнік Папу Рымскаму Бенедыкту ХVI, усталяваны 15 чэрвеня 2008 года ля касцёла святога Тадэвуша ў мястэчку Лучай Пастаўскага раёна.

Ініцыятарам стварэння помніка славутаму палітычнаму і ваеннаму дзеячу ВКЛ стаў пробашч мясцовай рыма-каталіцкай парафіі святога Казіміра ксёндз Андрэй Аніскевіч. Пры гэтым, як паведамляе сайт lepel.by, катэгарычны пратэст выказвала праваслаўная царква.

Падзяліцца навіной:
Народныя навіны Віцебска