Міліцыя: махляры могуць маскіравацца пад зборшчыкаў подпісаў

Источник материала:

Махляры могуць маскiравацца пад зборшчыкаў подпiсаў за патэнцыяльных кандыдатаў у прэзiдэнты. Пра гэта паведамiлi ў МУС Беларусi.

Кампанiя стартавала 30 верасня. Некаторыя махляры напэўна гэтым скарыстаюцца i ў блiжэйшы час пачнуць хадзiць па кватэрах пад выглядам членаў iнiцыятыўнай групы таго цi iншага прэтэндэнта ў кандыдаты на прэзiдэнцкую пасаду. Яны будуць старацца ўцерцiся ў давер’е да грамадзян i, адцягваючы ўвагу, паспрабуюць выкрасцi грошы або каштоўныя рэчы. Штосьцi такое адбывалася ў некаторых рэгiёнах краiны ў ходзе нядаўняга перапiсу насельнiцтва. Такiя злачынствы характэрныя не толькi для сталiцы, але таксама сельскай мясцовасцi. І каб не стаць ахвярай «акцёраў», неабходна патрабаваць у iх адпаведныя дакументы. У МУС растлумачылi, што ў кожнага члена iнiцыятыўнай групы пры сабе павiнен быць дакумент, якi засведчвае асобу, i пасведчанне, выдадзенае Цэнтрвыбаркамам Беларусi. Таксама, як раней паведамляла старшыня ЦВК Лiдзiя Ярмошына журналiстам, для яшчэ большай празрыстасцi выбарчай кампанii на сайце Цэнтрвыбаркама будуць апублiкаваны спiсы членаў iнiцыятыўных груп.