ААН прызнала Марыніча ахвярай палітычнай расправы

Источник материала:

© Марыніч у часе працэсу, 2004. Фота Андрэя Лянкевіча, Наша Ніва / NN.BY

Камітэт ААН па правах чалавека прызнаў былога міністра і кандыдата ў прэзідэнты Міхаіла Марыніча ахвярай палітычнай расправы.

Беларускі суд у снежні 2004 года палічыў Марыніча вінаватым у крадзяжы аргтэхнікі, якая належала пасольству ЗША, і прысудзіў да пяці гадоў пазбаўлення волі. Камітэт ААН знайшоў, што працэс не быў справядлівым і незалежным, а ў ходзе следства апазіцыянера катавалі. У турме ў Марыніча здарыўся інсульт.

Справы ў Камітэце ААН разглядаюцца працяглы час і грунтоўна. Рашэнні Камітэта важныя для рэпутацыі краіны.