Дзяды i унук

Источник материала:

Дзяды настройваюць нас на абавязак — жыць i памятаць. Памятаць адкуль мы, хто былi нашымi папярэднiкамi. Што мы таксама прыйшлi ў гэты свет не назаўсёды i павiнны пакiнуць пра сябе добрыя ўпамiны. І гэта неаспрэчны закон жыцця, якi неабходна спасцiгаць з маленства. Там дзе ён парушаецца — няма сям'i, народа, нацыi.

На Дзяды, па-традыцыi, мы прыходзiм на прыбраныя могiлкi, каб, у першую чаргу, шчыра прызнацца самiм сабе, што ўдзячныя продкам — за сваё i сваiх нашчадкаў жыццё.

Фотаздымак двухгадовага хлопчыка Яўгена Жукава зроблены на каталiцкiх могiлках у вёсцы Дзеркаўшчына Глыбоцкага раёна. Традыцыя адзначаць Дзяды тут нiколi не перарывалася.