Тых дзён не згасла слава

Источник материала:

На пераправе цераз Дзвіну летам 44-га да апошняга патрона трымаў абарону кулямётчык Джумаш Асаналіеў. Знішчыў больш за 20 ворагаў, апошняй гранатай разам з фашыстамі ўзарваў і сябе.
За подзвіг яму пасмяротна было прысвоена званне Героя Савецкага Саюза. Імя яго ўшанавана як у Беларусі, так і ў Ісык-Кульскай вобласці Кыргызіі, адкуль Джумаш родам. А ў 2005 годзе ў Мінску устаноўлены помнік Асаналіеву. Сёлета, як і заўсёды ў маі, ля помніка адбыўся мітынг-рэквіем. Яго ўдзельнікі ўсклалі кветкі да манумента, гаварылі, што беларусы і кіргізы заўсёды будуць сябрамі, бо іх дружба загартавана ў полымі Вялікай Айчыннай вайны.