"Вароты" "культурнай сталіцы" мабілізаваныя на вышэйшым узроўні

Источник материала:

Усім традыцыйнае "мабільнае" прывітанне. Паколькі гэты артыкул выходзіць у маі, ад імя супрацоўнікаў старэйшай беларускай газеты "Звязда" і калектыву кампаніі МТС — вядучага сотавага аператара ў нашай краіне — няхай трохі са спазненнем — шчыра віншую нашых паважаных ветэранаў. Дзякуем за Перамогу, за тое, што потым так старанна адраджалі нашу любімую рэспубліку. Вы — прыклад самааддачы, служэння Радзіме. Здароўя вам, больш прыемных навін. Каб у вас заўсёды было ўсё добра. І таго ж жадаем вашым родным, сябрам.

Каб падрыхтаваць чарговы артыкул для пастаяннай "мабільнай" рубрыкі, якая выходзіць пры падтрымцы МТС, на гэты раз адправіўся ў Віцебскі раён. Аграрны гарадок Копці — добры прыклад для нашых суайчыннікаў. Тут многае зроблена для таго, каб беларуская вёска адпавядала ўсім патрабаванням часу. Добрыя медыцынская ўстанова, школа і іншыя сацыяльныя аб'екты не горшыя, чым у абласным цэнтры. Вельмі лёгка даехаць да Віцебска і на грамадскім транспарце. Зайшоў у краму: выбар тавараў не саступае гарадскім кропкам гандлю. "Кіпіць" культурнае жыццё ў Доме культуры. Кампанія МТС ужо многае зрабіла для "мабілізацыі" гэтага аграрнага гарадка і іншых, у цэлым раёна, які яшчэ называюць "варотамі" "культурнай сталіцы". "Мабілізацыя" варот на вышэйшым узроўні.

Вельмі было прыемна ў аграрным гарадку сустрэць знаёмых мясцовых жыхароў. Ветэрану вайны Віктару Дзям'янавічу Цярэшчанку, з якім мы знаёмы ўжо даўно, заўсёды ёсць што расказаць. Ад душы павіншаваў яго з Днём Перамогі, паабяцаў завітаць у госці, каб паслухаць успаміны і разам з ім паглядзець дакументы з хатняга архіву ветэрана. Віктар Дзям'янавіч многае зрабіў, каб у гэтай беларускай глыбінцы ўвекавечылі памяць тых, хто гераічна змагаўся з ворагам. Ветэран у свой час быў ініцыятарам стварэння мемарыяла імя Ленінскага камсамола. Дарэчы, падчас маёй камандзіроўкі на тэрыторыі мемарыяла адкрывалі чарговы помнік. А потым адбыўся велапрабег, які плануюць зрабіць традыцыйным.

  У апошні час Віцебскі раён, як і іншыя ў Беларусі, вельмі актыўна развіваецца. Узначальвае райвыканкам самы малады ў краіне старшыня раённага выканаўчага камітэта. Руслан Фурашоў нарадзіўся ў 1980-м. Скончыў Віцебскую дзяржаўную акадэмію ветэрынарнай медыцыны. Нягледзячы на малады ўзрост, мае ўжо вялікі вопыт кіраўніка. У прыватнасці, узначальваў сельскагаспадарчы вытворчы кааператыў у Верхнядзвінскім раёне, Камітэт па сельскай гаспадарцы і харчаванні Віцебскага аблвыканкама. На пасаду старшыні Віцебскага райвыканкама Руслан Васільевіч Фурашоў прызначаны ў чэрвені мінулага года. Губернатар Віцебскай вобласці Аляксандр Косінец задаволены работай маладога старшыні: неаднаразова гаварыў пра тое, як той старанна працуе.

— За мінулую пяцігодку ў Віцебскім раёне выкананы абсалютная большасць даведзеных паказчыкаў сацыяльна-эканамічнага развіцця. Забяспечаны тэмпы росту аб'ёмаў вытворчасці прамысловай прадукцыі ў 2,2 раза, спажывецкіх тавараў — у 2,4 раза, прадукцыі сельскай гаспадаркі — на 55 адсоткаў, інвестыцый у асноўны капітал — у 2,8 раза, экспарту тавараў — у 3,2 раза. — Малады старшыня падводзіць вынікі мінулай пяцігодкі. — Пабудаваныя 116 тысяч квадратных метраў жылля за кошт усіх крыніц фінансавання пры заданні 57 тысяч квадратных метраў. Гэта дазволіла значна палепшыць жыллёвыя ўмовы вяскоўцаў.

— Калі ласка, больш падрабязна аб тым, што зроблена ў сельскагаспадарчай галіне.

— Дзякуючы рэалізацыі Дзяржаўнай праграмы адраджэння і развіцця сяла, падтрымцы вытворцаў сельскагаспадарчай прадукцыі і выдзяленню крэдытных рэсурсаў у рамках адпаведных Указаў Прэзідэнта (№№ 313, 343, 303) у Віцебскім раёне праведзена рэканструкцыя і тэхнічнае перааснашчэнне 40 малочнатаварных фермаў і 43 памяшканняў для вырошчвання буйнарагатай жывёлы. Віцебскай бройлернай птушкафабрыкай уведзены ў эксплуатацыю прамысловы інкубатар, комплекс племяннога маладняку, два комплексы бацькоўскага статку, 15 птушнікаў з клетачным утрыманнем птушкі...

Значна абнавіўся тэхнічны парк сельскагаспадарчых арганізацый. Толькі летась набылі 26 зернеўборачных, 8 кормаўборачных камбайнаў, больш за 50 трактароў і гэтак далей.

— У пасёлку Доўжа дзейнічае ўнікальная біяфабрыка, якую наведваў кіраўнік нашай дзяржавы. Раён па праве можа ганарыцца такім сучасным прадпрыемствам.

— Так. У ліпені мінулага года ўведзены аб'ект будаўніцтва па адпаведным інвестыцыйным праекце пашырэння прадпрыемства "Віцебская біяфабрыка", што дазволіць павялічыць асартымент і аб'ёмы вырабу вакцын, сываратак, дыягностыкумаў і іншых біяпрэпаратаў. Выхад прадпрыемства на праектную магутнасць дазволіць забяспечыць 80-85 працэнтаў патрэбнасці жывёлагадоўлі краіны ў сродках спецыфічнай прафілактыкі вірусных і бактэрыяльных інфекцый, а ў хімфармпрэпаратах — да 90 працэнтаў.

— Як наладжана супрацоўніцтва ўлад з прадпрымальнікамі?

— Прадпрымальніцкімі структурамі адкрыты дзве цырульні ў аграрных гарадках Альгова і Кіраўскі, дзве станцыі тэхнічнага абслугоўвання ў аграгарадку Ноўка і вёсцы Зайцава, майстэрня па рамонце і рэстаўрацыі мэблі. Прыемна, што дзелавыя людзі ўсё больш плённа працуюць у глыбінцы.

— Бадай, адной з лепшых устаноў адукацыі, і не толькі ў нашай вобласці, з'яўляецца гімназія для адораных дзяцей у прыгарадзе Віцебска — Лужасне. Яе выхаванцы — самыя перспектыўныя прадстаўнікі юнага пакалення. Ведаю, што там многае робіцца і для заняткаў спортам.

— У "Лужаснянскай школе-інтэрнаце-гімназіі для здольных і таленавітых дзяцей Віцебскай вобласці" ў пазамінулым годзе былі адкрыты спецыялізаваныя класы па гульнявых відах спорту і плаванні, у якіх навучаюцца больш за 110 чалавек. У мінулым годзе адкрыты кадэцкія класы... Правялі рамонт памяшканняў на суму больш за 1,4 мільярда рублёў. Уведзены ў эксплуатацыю новыя актавая зала і спартыўны комплекс з басейнам. Таксама пабудаваны стадыён з самым сучасным пакрыццём футбольнага поля, тэніснага корта, баскетбольнай і валейбольнай пляцовак, бегавых дарожак. Абсталяваны хакейная пляцоўка і гімнастычны гарадок.

— Якія планы ў раёна на бягучую пяцігодку?

— Раённы выканаўчы камітэт прыкладзе ўсе намаганні для рэалізацыі ў бягучай пяцігодцы намечаных праектаў. У прыватнасці, па будаўніцтве цэнтра лагістыкі, аўтамабільнага рынку, завода па перапрацоўцы цвёрдых бытавых адходаў, завода па вытворчасці мінеральнай вады. Гэта дазволіць стварыць базу для далейшага ўстойлівага сацыяльна-эканамічнага развіцця раёна і забяспечыць павялічэнне аб'ёму інвестыцый у асноўны капітал — у 2 разы, стварыць 1750 дадатковых рабочых месцаў, выйсці ў 2015 годзе на ўзровень намінальнай заработнай платы ў 1000 долараў ЗША.

А МТС працягвае "мабілізацыю". Даступнасць і высокая якасць паслуг — згодна з гэтым прынцыпам дзейнічае кампанія. І ўпэўнена трымаецца на рынку мабільных паслуг, у канкурэнтнай барацьбе на крок уперадзе. Менавіта таму і ў вялікіх гарадах, і ў глыбінцы ўсё больш жыхароў "пераходзяць" на МТС.

Вядучы рубрыкі Аляксандр ПУКШАНСКІ.

<І>Аграрны гарадок Копці — Віцебск.