ХРОНІКА АПОШНІХ ПАДЗЕЙ

Источник материала:

У чарговым НС на ўкраінскай шахце пацярпела 26 чалавек

На ўкраінскіх шахтах працягваецца трагічная чарада аварый: у горадзе Чырвоны Прамень Луганскай вобласці ў шахце "Краснакуцкая" ўзгарэўся метан. Паводле папярэдніх звестках, пацярпела 26 гарнякоў. Тым часам стала вядома, што колькасць ахвяр выбуху на "Сухадольскай-Усходняй" узрасла да 27 чалавек. Шахцёры напісалі адкрыты ліст чыноўнікам, у якім распавялі пра сапраўдныя, на іх думку, прычыны трагедыі.

Інцыдэнт на "Краснакуцкай" адбыўся ў 11:40 па мясцовым часе. Пяцёра гарнякоў атрымалі апёкі сярэдняй ступені цяжару і знаходзяцца ў рэанімацыі, яшчэ 21 чалавек шпіталізаваны з нязначнымі пашкоджаннямі. На момант узгарання ў шахце знаходзіліся 224 гарнякі.

Надоечы ў Луганскай вобласці адбылася буйная аварыя на шахце "Сухадольская-Усходняя". На сённяшні дзень колькасць ахвяр дасягнула 27 чалавек. Адзін гарняк знаходзіцца ў рэанімацыі.

Пераемніцу Строс-Кана западозрылі ў перавышэнні паўнамоцтваў на 400 млн

Французскі суд прыняў рашэнне пра пачатак афіцыйнага расследавання ў дачыненні цяперашняй кіраўніцы Міжнароднага валютнага фонду Крысцін Лагард, экс-міністра эканомікі Францыі, якая замяніла на гэтай пасадзе Дамініка Строс-Кана.

Чальцы суда палічылі абгрунтаванымі падазрэнні ў тым, што Лагард, магчыма, перавысіла службовыя паўнамоцтвы і тым самым паўплывала на рашэнне пра выплату буйной кампенсацыі — увогуле амаль 400 млн еўра — французскаму прадпрымальніку Бернару Тапі ў 2008 годзе. Сам бізнэсмэн уваходзіў у блізкае кола прэзідэнта Францыі Мікаля Сарказі.

Украіна павялічвае кошты на алкаголь на 25-50%

Урад Украіны прыняў рашэнне павялічыць мінімальныя аптовыя і рознічныя цэны на алкагольныя напоі айчыннай вытворчасці на 25-50%, паведаміў журналістам першы намеснік міністра эканамічнага развіцця і гандлю Вадзім Капылоў.

Паводле яго слоў, пасля ўступлення пастановы ў сілу мінімальны кошт бутэлькі гарэлкі, які цяпер складае прыкладна 18 грыўняў (каля 2,25 долара), вырасце да 26 грыўняў (3,25 долара). Мінімальны кошт бутэлькі каньяку вырасце да 33 грыўняў (каля 4,1 долара) з цяперашніх 26 грыўняў (3,25 долара), а бутэлькі віна — да 18 грыўняў (каля 2,25 долара) з 12 грыўняў (1,5 долара).

"Гэтае рашэнне накіравана на тое, каб у краіне паменшылася спажыванне сурагатнай гарэлкі", — сказаў Капылоў.