ХРОНІКА АПОШНІХ ПАДЗЕЙ

Источник материала:

За пасаду прэзідэнта Кіргізіі пазмагаюцца 83 чалавекі

У Кіргізіі завяршылася вылучэнне прэтэндэнтаў на ўдзел у прэзідэнцкіх выбарах.

Агульная колькасць прэтэндэнтаў, заяўкі якіх паступілі ў ЦВК, склала 83 чалавекі. Большасць з іх — самавылучэнцы. Толькі 16 чалавек былі вылучаны ў прэзідэнты палітычнымі партыямі. Сярод прэтэндэнтаў ёсць палітыкі, прадпрымальнікі, некалькі журналістаў, а таксама амаль два дзясяткі беспрацоўных. У ЦВК, як перадае ІА "24.kg", паведамілі, што амаль усе прэтэндэнты з'яўляюцца этнічнымі кіргізамі. Большасць з тых, хто жадае ўдзельнічаць у выбарах, — мужчыны (77 з 83).

У Берліне за ноч спалілі 18 аўтамабіляў

У раёне Шарлотэнбург заходняй часткі Берліна мінулай ноччу невядомыя падпалілі 18 аўтамабіляў, паведамляюць інфармагенцтвы.

На мінулым тыдні ў заходніх раёнах горада па начах ужо некалькі разоў падпальвалі аўтамабілі. Аднак у гэты раз было падпалена 11 машын дарагіх марак Mеrсеdеs, BMW і Аudі. Пазней ад іх загарэлася сем іншых машын, а таксама матацыкл і веласіпед.

Паліцыя горада пакуль не каментуе, ці ёсць у зламыснікаў палітычныя матывы для падпалаў. Пакуль па абвінавачванні ў арганізацыі падпалаў нікога не затрымалі. З пачатку года ў горадзе спалена ўжо больш за 250 аўтамабіляў.

Разню на востраве Джэрсі ўчыніў бацька польскага сямейства

Разню на брытанскім востраве Джэрсі, у якой загінулі шэсць чалавек, учыніў 30-гадовы бацька польскага сямейства. Пра гэта піша газета Thе Dаіlу Tеlеgrарh. Паводле інфармацыі выдання, імя мужчыны — Даміян Жашоўскі.

Як раней высветліла газета Thе Tіmеs, Жашоўскі забіў сваю жонку, дваіх дзяцей і цесця. Таксама яго ахвярай стала сяброўка жонкі і яе пяцігадовая дачка. Усе загінулыя былі палякамі — 15 жніўня гэта пацвердзіла Пасольства Польшчы ў Лондане. Паводле інфармацыі Thе Tіmеs, прычынай пачатку разні паслужыла тое, што жонка Жашоўскага, якая толькі што вярнулася з Польшчы, куды яна ездзіла з дзецьмі, заявіла яму, што іх сумеснае жыццё скончана.

Голыя феміністкі бралі штурмам аўтазак Цімашэнкі

У Пячэрскім судзе Кіева працягваюцца слуханні па справе пра газавыя кантракты з Расіяй, пры падпісанні якіх, як лічыць пракуратура, экс-прэм'ер Юлія Цімашэнка перавысіла службовыя паўнамоцтвы. Цімашэнка, па сведчанні прысутных у зале, выглядае стомленай і бледнай. Яна і яе адвакаты просяць суддзю прызначаць пасяджэнні з перапынкам мінімум у адзін дзень.

Супрацоўнікі кіеўскай міліцыі затрымалі дзвюх актывістак жаночага руху FЕMЕN па падазрэнні ў парушэнні грамадскага парадку недалёка ад Пячэрскага раённага суда Кіева, піша Ukrаnеws. Каля 9:30 па мясцовым часе дзве актывісткі руху, распрануўшыся да пояса, узлезлі на аўтазак, які знаходзіўся на скрыжаванні вуліц Багдана Хмяльніцкага і Крашчацік, і пачалі выкрыкваць: "Вільна каса, вільна каса!" ("Свабодная каса!"). Праз некалькі хвілін два супрацоўнікі міліцыі залезлі на дах аўтазака, спусцілі актывістак і змясцілі ў гэты ж аўтазак.