ХРОНІКА АПОШНІХ ПАДЗЕЙ

Источник материала:

Еўра і Еўрасаюз — на краю бездані?

Еўра і Еўрапейскі саюз "апынуліся цяпер на краю бездані", заявіў былы кіраўнік Еўракамісіі і адзін са стваральнікаў еўразоны Жак Дэлор. Інтэрв'ю з ім публікуе швейцарская газета Lе Tеmрs.

"Скажу ўсю праўду: еўра і Еўрасаюз знаходзяцца на краю бездані, — падкрэсліў Жак Дэлор. — І для таго, каб у яе не зваліцца, ёсць вельмі простае выйсце: або краіны, члены ЕС, павінны пагадзіцца на цесную каардынацыю сваёй эканамічнай палітыкі, або перадаць новыя паўнамоцтвы адзіным органам Еўрасаюза".

Адначасова Дэлор выказаўся за сумесныя гарантыі ўсіх дзяржаў зоны еўра па дзяржзапазычанасці на суму да 60% ад яе сукупнага ВУП. "Частковае аб'яднанне абавязкаў дасць магчымасць пагасіць цяперашні фінансавы крызіс у еўразоне", — падкрэсліў ён.

Чавес Вялікабрытаніі: вярніце 99 тон золата!

Урад Венесуэлы запатрабаваў вярнуць у краіну 99 тон золата, якія захоўваюцца на яго рахунках у Банку Англіі. Прадстаўнік Банка Англіі адмовіўся зрабіць якія-небудзь каментарыі адносна запыту з боку Каракаса, а таксама назваць памеры венесуэльскага золата, якое знаходзіцца на рахунках банка.

На дэманстрацыях супраць візіту Папы Рымскага ў Мадрыдзе пацярпелі 11 чалавек

Іспанская паліцыя затрымала васьмярых удзельнікаў дэманстрацыі напярэдадні візіту папы Рымскага Бенедыкта ХVІ, паведамляе Аssосіаtеd Рrеss са спасылкай на мясцовыя Улады. У сутыкненнях актывістаў з паліцыяй пацярпелі 11 чалавек, сярод якіх двое паліцэйскіх.

Шматтысячная акцыя пратэсту пачалася ў сераду вечарам у цэнтры горада напярэдадні прыбыцця Бенедыкта ХVІ. Актывісты незадаволеныя тым, як дорага абыходзіцца пацярпелай ад эканамічнага крызісу Іспаніі візіт кіраўніка каталіцкай царквы: чатырохдзённая паездка Папы Рымскага ў Мадрыд каштавала падаткаплацельшчыкам каля 73 мільёнаў долараў. Прадстаўнікі царквы запэўніваюць, што вялікая частка гэтай сумы будзе папоўнена за кошт прыбыткаў ад паломнікаў, якіх у сталіцу Іспаніі прыбыло некалькі сотняў тысяч, аднак людзі, якія выйшлі на вуліцы горада, упэўнены, што гэта не так. Нягледзячы на тое, што акцыя планавалася як мірнае шэсце, сутыкненняў з паліцыяй пазбегнуць не атрымалася.