Бяспеку на "Дажынках" забяспечаць сілавікі і дворнікі

Дворнікі падчас “Дажынак” будуць забяспечваць у Маладзечне не толькі чысціню, але і бяспеку.

Намеснік начальніка Маладзечанскага РАУС Сяргей Бурдас падчас сустрэчы з дворнікамі, якая адбылася 22 верасня, запрасіў іх да супрацоўніцтва. Ён заклікаў да пільнасці падчас “Дажынак”.


Падчас сустрэчы

– Да падазроных прадметаў трэба ставіцца вельмі сур’ёзна. Калі заўважаны вамі прадмет выклікае недавер, лепш яго не чапаць, не дакранацца да яго. Катэгарычна забаронена карыстацца каля яго мабільнай сувяззю: выбухованебяспечныя прадметы могуць спрацаваць на электрамагнітнае выпраменьванне. Калі заўважылі падазроны прадмет, лепш адысці ўбок, знайсці супрацоўніка міліцыі і паведаміць яму, – сказаў Сяргей Бурдас.

Ён нагадаў, што паведаміць міліцыі пра знаходку можна і па мабільным тэлефоне, але на адлегласці не менш за 50-100 метраў ад прадмета.