Праз год аналагавыя тэлевізары прадавацца ў краіне ўжо не будуць

Источник материала:

Пра тое, што ў Беларусі з 2013 года плануюць забараніць продаж аналагавых тэлевізараў, паведаміла ўчора спецыяліст упраўлення арганізацыі гандлю і паслуг Мінгандлю Ларыса Камарова.

Мяркуецца, што ў наступным годзе будзе прынята адпаведная пастанова Савета Міністраў, дзе будзе аб'яўлена аб спыненні гандлю тэлевізарамі, якія не дзейнічаюць на прыёме лічбавых сігналаў. Спецыялістамі Міністэрства сувязі і інфарматызацыі адзначаецца, што ў наступным годзе ў тэрмін да 1 ліпеня запланавана скласці графік паэтапнага адключэння аналагавага тэлевяшчання ў Беларусі.

Лічыцца, што адключэнне аналагавага тэлебачання дазволіць істотна знізіць энергавыдаткі галіны. Цяпер ахоп насельніцтва лічбавым тэлевізійным сігналам стандарту DVB-T у нашай краіне складае 94,5 працэнта. Гэты стандарт лічбавага сігналу дазваляе атрымліваць спажыўцам сацыяльны пакет, у які ўваходзіць 8 тэлепраграм.

Сяргей ПАЛІНІН.