Горацкія чыноўнікі сабралі людзей, каб абмеркаваць вырубку 931 дрэва

Чыноўнікі сабралі людзей, каб абмеркаваць вырубку 931 дрэва ў межах падрыхтоўкі да “Дажынак-2012”.

Учора ў актавую залю райвыканкама прыйшло каля 20 неабыякавых гараджан. Аднак галоўны архітэктар раёна Аляксандр Бяляеў адзначыў, што каштарыс на вырубку дрэваў ужо падрыхтаваны і выратаваць іх ўжо нішто не здолее.

Асаблівы клопат у гараджан быў звязаны з вырубкай ліпавай алеі, большую частку якой ужо зрубілі пры закладцы лядовага палацу.

Трэба адзначыць, што сустрэча была свайго кшталту рэакцыяй улады на сабраныя подпісы. Як адзначылі прысутныя, іх сабралі, каб выпусціць пар і паказаць, што ўлада ідзе насустрач. Аднак на самой справе выявілася, што не чуе іх.