Сушы-бітва скончылася рэкордам і аголенай натурай

Источник материала:

У мінулую суботу ў сталіцы прайшла сушы-бітва. Як ужо зразумела з назвы мерапрыемства, гаворка ідзе пра спаборніцтвы па прыгатаванні вядомай японскай стравы. Удзел у ім бралі майстры з усёй краіны.

У бізнэс-цэнтры "Вікторыя" цягам двух гадзін дзевяць удзельнікаў са сталіцы і абласных цэнтраў дэманстравалі сваё ўменне ў прыгатаванні класічных сушы і аўтарскіх страў японскай кухні. Кульмінацыяй дзеі стала ўстанаўленне рэкорда па прыгатаванні сушы: шэф-повар казіно "Вікторыя" Аляксандр Жылінскі <І>(на фота злева) разам з двума памочнікамі "выдаў" прадукт вагой 21 кілаграм. Акрамя стылізаванага шоу для гасцей мерапрыемства, наведнікам традыцыйна падавалі сушы з аголенага жаночага цела.

Сяргей СТАРЫНАЎ.