Небяспечныя прадукты

Источник материала:

Апошнім часам у Гродне актывізаваўся стыхійны гандаль прадуктамі харчавання. У шэрагу месцаў амаль штодзённа прапануюць "з рук" купіць мясныя вырабы, кансервы, свежую і вараную агародніну, салаты і іншыя нарыхтоўкі хатняй вытворчасці.

Для кантролю за сітуацыяй створаны камісіі ў складзе работнікаў міліцыі, санітарных службаў, упраўлення гандлю гарвыканкама. Аднак, нягледзячы на папярэджанні, гандляры працягваюць прадаваць гродзенцам патэнцыяльна небяспечную прадукцыю. Адна з прычын у тым, што самі жыхары стымулююць несанкцыянаваны гандаль, зазначае Гродзенскі занальны цэнтр гігіены і эпідэміялогіі і папярэджвае: набыццё прадуктаў харчавання ў неўстаноўленых для гэтага месцах небяспечна для здароўя. Не выключана верагоднасць атрымаць харчовае атручэнне, захварэць на вострыя кішэчныя інфекцыі, туберкулёзам і іншымі інфекцыйнымі захворваннямі, таму што гэтыя прадукты прадаюцца непасрэдна "з зямлі" альбо з брудных скрыняў, без належнага тэмпературнага рэжыму, асобамі, якія не прайшлі медыцынскі агляд.

Барыс ПРАКОПЧЫК