На “Кастрычніцкай” абмежавалі падыход да мемарыялу ахвярам тэракту ў метро

Ля ўваходу на станцыю метро “Кастрычніцкая” абмежавалі падыход да мемарыялу ахвярам тэракту 11 красавіка, перадае карэспандэнт TUT.BY.

Тут з’явіўся плот з металапрофілю і моцныя жалезныя дзверы. Магчыма, яго ўсталявалі сёння раніцай. Аб гэтым можна меркаваць па свежых слядах і будаўнічым пыле.

Мемарыяльная шыльда абнесена плотам з усіх бакоў. Дзверы замкнёныя. Такім чынам, падысці да гэтага месца цяпер немагчыма.









Варта нагадаць, што пасля таго, як смяротны прысуд у дачыненні да Ўладзіслава Кавалёва і Дзмітрыя Канавалава быў прыведзены ў выкананне, невядомыя пакінулі на гэтым месцы партрэт Кавалёва.