Змяя... у пад'ездзе

Источник материала:

Пра тое, што нейкі гад — у прамым сэнсе гэтага слова — поўзае ў іх пад'ездзе, сталічным выратавальнікам стала вядома ад жыхароў дзевяціпавярховага дома па вуліцы Ландара ў Мінску.

Работнікі МНс былі на месцы літаральна праз пяць хвілін. Там яны сапраўды ўбачылі змяю, як потым высветлілася, неядавітую. Гэта быў полаз Баэрда. Яго радзіма — Паўночная Амерыка. Даўжыня асобіны складала каля метра. Выратавальнікі адлавілі полаза і перадалі прадстаўніку заапарка. На шчасце, ніякіх укусаў і траўмаў ад гэтага паўночнаамерыканскага "госця" ніхто не атрымаў.

Сяргей РАСОЛЬКА.