Каля 60 тон бярозавіка штодзень выпускаюць у Глыбокім. 21.by

Каля 60 тон бярозавіка штодзень выпускаюць у Глыбокім

14.04.2012 17:22 — Новости Общества |  
Размер текста:
A
A
A

Источник материала:

Каля 60 тон бярозавіка штодзень выпускаюць у Глыбокім


Сезон 2012 года ААТ "Купцовъ", што ў Глыбокім, пачало з выпуску смачнай і вельмі карыснай для здароўя прадукцыі – бярозавага соку. Штодня з аўтаматызаванай лініі сыходзіць яе да 60 тон.

Пастаўляюць сыравіну на завод Глыбоцкі, Бягомльскі, Пастаўскі, Лепельскі лясгасы і Дзвінская эксперыментальная база. Неўзабаве да іх падключацца Полацкі, Верхнядзвінскі, Расонскі і Багушэўскі лясгасы.

Для перапрацоўкі соку кругласутачна, у тры змены, выкарыстоўваецца спецыяльная імпартная лінія, на якой гатовая прадукцыя фасуецца ў літровыя пакеты. Днямі будзе запушчана другая лінія, дзе чароўны напой ад беласнежных лясных прыгажунь будзе разлівацца ў бутэлькі 0,75 і слоікі ад 0,5 да 3 літраў.

Як паведаміла начальнік вытворчасці Алена Баговіч, прадукт на ўсе 100 працэнтаў натуральны, без аніякіх дабавак, кансервантаў, стабілізатараў. Нездарма ён карыстаецца вялікім попытам як у нашай краіне, так і за мяжой. Яго адгружаюць у Расію, Казахстан, Узбекістан. Прыйшла заяўка і з Турк­меністана.

На заводзе выраблена ўжо звыш 300 тон бярозавага соку. Яго паспелі пакаштаваць у Глыбокім, Віцебску, Мінску.

Усяго сёлета ААТ "Купцовъ" плануе выпусціць 1000 тон бярозавага напою, што ў паўтара раза больш, чым летась. 
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Сезон 2012 года ААТ "Купцовъ", што ў Глыбокім, пачало з выпуску смачнай і вельмі карыснай для здароўя прадукцыі - бярозавага соку.Штодня з аўтаматызаванай лініі...
 
 
 

РЕКЛАМА

Архив (Новости Общества)

РЕКЛАМА


Яндекс.Метрика