Роўна тыдзень застаўся да канца тэрміну падачы заявак на ўдзел у намінацыях і конкурсах Трэцяга фестывалю беларускамоўнай рэкламы і камунікацыі AD.NAK!
Прыём работаў на ўдзел у заканчваецца 11 чэрвеня. Аргкамітэт фестывалю нагадвае, што ўдзел у фестывалі бясплатны, таму кожны, каму цікавая беларускамоўная рэклама, можа паспрабаваць свае сілы і падаць свае работы.
Сёлета конкурсная праграма фестывалю складаецца з 11 намінацыяў і 7 конкурсаў. Намінацыі разлічаныя на прафесіяналаў у рэкламнай сферы. Тут кожны можа знайсці нішу, у якой ён пачуваецца найбольш дасведчаным.
Сярод намінацыяў вылучаецца , якая другі год запар збірае найгоршыя прыклады рэкламы, што скажаюць беларускую гісторыю ці сучаснасць. У гэтую намінацыю прымаюцца работы, якія ментальна ці ідэйна супярэчаць беларускай культуры і традыцыі. Удзельнікам можа стаць любы, хто заўважыць супярэчнасць у рэкламе.
Акрамя намінацыяў на сёлетнім фестывалі ёсць багаты выбар конкурсаў на любы густ. Ужо трэці год запар ладзіцца конкурс . Супольна з арганізатарамі ладзіцца конкурс , разлічаны на студэнцкую аўдыторыю. Ім прапануецца стварыць канцэпцыю прасоўвання брэнду свайго ўніверсітэта з выкарыстаннем сучасных сродкаў камунікацыі. Конкурс падтрымалі Бізнэс-школа ІПМ і партал RABOTA.TUT.BY.
Людзі, што любяць беларускую мову, могуць узяць удзел у конкурсе . У ім неабходна стварыць постар альбо серыю постараў фармату А3, у якіх будуць прадэманстраваныя выгады выкарыстання беларускай мовы ў штодзённым жыцці.
Супольна з фотастудыяй ладзіцца . Сёлета ён ладзіцца ў чатырох паднамінацыях: “СМАЧНА”, “ПРЫГАЖОСЦЬ”, “РОДНЫ КУТ”, “ІМІДЖ AD.NAK!”.
Самы еўрапейскі беларускі мабільны аператар падтрымаў конкурс . Удзельнікі конкурсу павінныя даслаць у любой зручнай для іх форме ідэю, якая б паказала Беларусь як еўрапейскую краіну.
Мыльны брэнд заснаваў конкурс на найлепшую назву і запакоўку для мыла. Конкурс праводзіцца ў дзвюх намінацыях: гатунак мыла для мужчын і гатунак мыла, які адлюстроўвае значны культурны альбо гістарычны феномен.
А для конкурсу пераагучвання сёлета выстаўлены ролік брэнду Jim Beam. На сайце Фестывалю AD.NAK! можна , на якую неабходна накласці запісаны беларускі тэкст.
Ва ўсіх конкурсах і намінацыях пераможцаў чакаюць дыпломы і каштоўныя прызы ад партнёраў фестывалю.
Кульмінацыяй фестывалю стане Вялікі фестывальны дзень, які пройдзе 5 ліпеня. Адукацыйная праграма фестывалю будзе складацца з серыі майстар-класаў беларускіх і замежных прафесіяналаў у галіне рэкламы, а завершыцца дзень цырымоніяй узнагароджання пераможцаў.
Главная
Гороскопы
