Сяргея Вітушку пахаваюць у Рагаве паблізу Радашкавічаў

Источник материала:

Паніхіда за Сяргея Вітушку і развітанне з ім праходзіць у Мінску ў грэка-каталіцкім храме ў душпастырскім Цэнтры Святога Язэпа (вул. Арджанікідзэ, д. 6, ст.м. «Аўтазаводская»). Пра гэта паведамляе сайт "Нашай нівы". Пахаваюць нябожчыка ў Рагаве ў Мінскім раёне, паблізу Радашкавічаў.

На адпяванне прыйшло больш за 100 чалавек. Царква не змяшчае ўсіх, частка людзей стаіць на вуліцы. Прыстутнічае Апостальскі Візітатар архімандрыт айцец Сяргей (Гаек).

Прыйшлі дзеячы культуры: паэт Міхаіл Анемпадыстаў, мовазнавец Сяргей Запрудскі, бард Кася Камоцкая, Зміцер Сідаровіч, Ігар Бабкоў.

Сяржук Вітушка памёр у віленскай лякарні ўранку 2 ліпеня. Ён быў кіраўніком легендарнай менскай «Талакі» — адной з першых паўпадпольных незалежніцкіх арганізацый у часы СССР. Два тыдні таму ў яго здарыўся інфаркт. Апошнія дні ён правёў у цяжкім стане і памёр на руках у жонкі Людвікі. Ён доўга цяжка хварэў на дыябет, страціў зрок і нагу.

Пахаваны Сяржук Вітушка паводле тэстаменту ў родавай вёсцы Рагава.
Крыніца: http://nn.by/

Вынікі пошуку

Глядзі таксама: Фотафакт: сляпы Вітушка вядзе экскурсію па Вільні