Гатуй сваё

Источник материала:

ГРЫБНЫ СУП 3 ГАРБУЗОМ

Складнiкi: 200 г свежых грыбоў, 200 г гарбуза, 1 цыбулiна, 2 бульбiны, 1 кiслы яблык, 1 свежы памiдор, 2 ст. лыжкi сметанковага масла, 2 ст. лыжкi смятаны, 30 г кораня пятрушкi, 30 г кораня салеры, соль, шчыпяры*.

Адвараныя грыбы, цыбулю i пятрушку здрабнiць i тушыць у масле. Гарбуз i бульбу нарэзаць саломкай, апусцiць у гарачую ваду i варыць амаль да поўнай гатовасцi. Затым дадаць тушаныя грыбы з цыбуляй i морквай i нарэзаныя тонкiмi кружкамi памiдор i яблык. Суп варыць яшчэ некалькi хвiлiн, пакуль емiна ў iм не стане мяккай. Забялiць смятанай i пасыпаць шчыпярамi.

* Шчыпяры — зеленый лук.

АЛАДКI

Складнiкi: 300 г мукi, 25 г дражджэй, 300 г малака, 200 г бульбы, 50 г тлушчу, соль.

Распусцiць дрожджы ў цёплым малацэ з мукой, паставiць на 3 гадзiны ў цёплае месца. Бульбу нацерцi на дробнай тарцы, змяшаць з цестам, пасалiць i даць яшчэ трохi падысцi. Налiваць цеста на гарачую патэльню з тлушчам. Пячы з абодвух бакоў да гатовасцi.

Падаваць блiны са смятанай цi смажаным салам. У цеста для гэтых блiноў можна дадаць трохi грэцкай мукi.

ВАНТРАБЯНКА

I варыянт.

Складнiкi: 1 кг свiнiны, 500 г печанi, 200 г сала, чорны молаты перац, соль, прыправы, свiныя кiшкi.

Печань цэлым кавалкам варыць у падсоленай вадзе на працягу 10 хвiлiн. Сала i свiнiну адварыць асобна з прыправамi. Сала выняць раней свiнiны, астудзiць. Печань, мяса i сала нарэзаць маленькiмi кубiкамi, дадаць шклянку адвару, у якiм варылася мяса, усыпаць солi i расцёртых прыпраў (перцу, гваздзiкi, маярану, мушкатовага арэха) да смаку, размяшаць i атрыманай масай напоўнiць свiныя кiшкi даўжынёй 30 — 40 см. Канцы каўбас завязаць шпагатам. Адварыць каўбасы ў падсоленым кiпенi на слабым агнi 40 хвiлiн, пасля чаго выняць, паскладаць на дошку i прычынiць iншай дошкай, зверху накласцi невялiкi груз i ахаладзiць.

II варыянт.

Складнiкi: 500 г свiных вантробаў (печань, сэрца, лёгкiя, ныркi), 250 г галавiзны, тоўстыя свiныя кiшкi, 1 цыбулiна, часнок, перац чорны гарошкам, каляндра, маяран, соль да смаку, свiныя кiшкi.

Вантробы цалкам адварыць у адным рондалi да паловы гатовасцi 1 1/2 гадзiны, затым нарэзаць дробнымi кубiкамi да 1 см. Гэтак жа нарэзаць галавiзну, нашаткаваць цыбулю, нацiснуць часнок, натаўчы прыпраў, усё змяшаць у аднастайную масу, пасалiць i набiць ёю старанна вычышчаныя свiныя кiшкi, якiя затым пакласцi на бляху, папярэдне змазаную салам, i запячы ў печы цi духоўцы. Запечаную вантрабянку пакласцi пад прэс на суткi.

* Мушкатовы арэх — мускатный орех.

Каляндра — кориандр.

РЫБНIК

Складнiкi: 500 г рыбы, 50 г пшанiчнага хлеба, 100 г малака, 2 яйкi, 1 цыбулiна, 50 г сметанковага масла, лаўровы лiст, соль, перац, зелянiна пятрушкi i кропу.

Рыбу без скуры i костак нарэзаць на кавалкi, двойчы прапусцiць праз мясасечку разам з замочаным у малацэ чэрствым пшанiчным хлебам, цыбуляй, дадаць яйкi, сметанковае масла, соль, перац, дбайна перамяшаць. Масу выкласцi на сурвэтку, надаць форму рыбы, загарнуць, пакласцi ў рондаль з падсоленай вадой i лаўровым лiстом, варыць на слабым агнi 20 хвiлiн.

Выняць з рондаля, ахаладзiць, пасыпаць сечанай зелянiнай пятрушкi i кропу.

* Рондаль — кастрюля.

СВIНЫ САЛЁНЫ БАЧОК

Рэцэпт ад Алеся Белакоза, м. Гудзевiчы, Мастоўскi раён.

У залежнасцi ад вагi свiнога бачка падабраць посуд, у якiм свiнiна будзе салiцца, а таксама вызначыць колькасць вады i адпаведна колькасць солi.

Ваду закiпяцiць, у вар усыпаць соль (на 1 лiтр вады — 250 г солi) i даць пакiпець ёй хвiлiн пяць. Ваду астудзiць, пагрузiць у яе кавалкi свiнога бачка, пакласцi якi–небудзь груз, каб свiнiна поўнасцю знаходзiлася ў расоле. Праз трое сутак бачок гатовы, застаецца толькi абсыпаць прыправамi i нацерцi цiснутым часнаком.

«Не сушыць! — раiць Алесь Мiкалаевiч, — бачок павiнен быць волкiм».

Гэтак можна засольваць кумпяк, паляндвiцу i iншае мяса, але тэрмiн засолкi падоўжыць на 2 — 3 сутак, нават пры летнiм надвор’i.