Смаргонскія ляснікі адсвяткуюць 130-годдзе прылады для пасадкі лесу

Источник материала:

У суботу, 20 красавіка, у Смаргоні пройдзе акцыя “Тыдзень лесу – 2013”.

Яна прымеркаваная да 130-годдзя мяча Калёсава – спецыяльнай прылады для пасадкі лесу.

Акрамя таго, акцыя пройдзе ў падтрымку мерапрыемстваў года беражлівасці.

Усе жадаючыя змогуць дапамагчы лясной гаспадарцы пасадзіць дрэўцы, зрабіць цікавыя стэнды і вывескі ў месцах, якія з’яўляюцца экалагічнай каштоўнасцю.

З-за дрэннага надвор'я правядзенне акцыі прадоўжылі да пачатку мая.

Як паведаміў намеснік начальніка па ідэалагічнай рабоце Смаргонскай лясной гаспадаркі Андрэй Пятроўскі, жадаючых ўжо назбіралася каля 500 чалавек. Гэта і дзеці, і дарослыя.

Вольга ЮРКЕВІЧ.

Фота pinsknews.by