Навіна

Источник материала:

Сарока на хвасце прынесла навіну.

Не важна нам — адкуль,

Не важна нам — якую.

Ды ўжо Зязюля пра яе кукуе,

На вуха Муха шэпча штось Слану.

А той Мядзведзю кажа па сакрэту.

Мядзведзь — Ласю...

А Лось панёс далей...

І ўжо праз пэўны час ад навіны

ад гэтай

Узрушан кожны звер

І кожны Верабей.

І ці то ноч у лесе,

Ці то ранне,

Адно ва ўсіх пытанне:

— Ці чулі вы?

— Не чуў. А што?

— Гавораць,

Гарыць якоесь мора.

— Далёка?

— Не, паблізу дзесь.

— Ад мора, кажуць, можа загарэцца лес...

* * *

Бывае так: ад цёткі і да цёткі

Разносяцца па вёсцы плёткі.