У Браслаўскім раёне знойдзены фрэскі XVII стагоддзя

Источник материала:

Настаяцель касцёла Святой Тройцы ў Друі Браслаўскага раёна Сяргей Сурыновіч знайшоў старыя фрэскі - меркавана, яны датуюцца сярэдзінай XVII стагоддзя.

Фота са старонкі Сяргея Сурыновіча ў Facebook

Тры пліткі, выкананыя ў тэхніцы фрэскі, знаходзіліся сярод буданіўчага смецця ў кляштары, паведаміў ксёндз Сяргей Сурыновіч на сваёй старонцы ў Facebook.

"Пры вырабе гэтай пліткі выкарыстоўвалася менавіта тэхніка фрэскі, аб чым мне паведаміла мастачка, спецыяліст па фрэсках з акадэмічнай адукацыяй у гэтай галіне", - піша святар.

Касцёл у Друі. Фота: Сяргей Гудзілін, "Наша ніва"

Настаяцель касцёла ў Друі плануе стварыць музей, які будзе дзейнічаць пры храме. Знойдзеныя старыя фрэскі стануць ягонымі экспанатамі.

Чытайце таксама:

Вартаўнікі бастыёнаў. Як жывуць і служаць каталіцкія святары ў маленькіх вясковых прыходах? >>>