Топ-3 музычных мерапрыемстваў, якія дапамогуць палюбіць беларускую мову. 21.by

Топ-3 музычных мерапрыемстваў, якія дапамогуць палюбіць беларускую мову

21.02.2017 16:23 — Новости Общества |  
Размер текста:
A
A
A

Источник материала:

З 21 лютага 2000 года пачалася добрая традыцыя штогод адзначаць міжнародны Дзень роднай мовы. Вельмі радуе, што Беларусь не ігнаруе гэтую дату, з кожным годам у гэты дзень (а часам і цэлы тыдзень) можна знайсці мноства цікавых мерапрыемстваў, якія даюць магчымасць адчуць густ беларускай мовы.

Многія пагодзяцца, што нішто не выхоўвае любоў да мовы так, як музыка. Праз граматна падабраныя акорды можна падняць настрой, прымусіць рухацца,  а яшчэ даць магчымасць адчуць усю мяккасць і прыгажосць роднай мовы.

У гонар Дня роднай мовы мы падабралі тры музычныя мерапрыемствы, якія дапамогуць не толькі яшчэ больш палюбіць беларускую мову, але і адкрыць для сябе нешта новае, адпачыць і прыняць удзел у інтэлектуальных гульнях.

Лекцыя-семінар «Беларуская традыцыйная музыка - прыклад густу 80lvl»

Дзе: ЦЭХ (Кастрычнiцкая, 16)

Калі: 20 лютага (19.00)

Кошт: 4 рублі

Лекцыя разлічана на ўсіх людзей, зацікаўленых музыкай i музычнай культурай , а таксама на практыкуючых музыкаў. На мерапрыемстве можна пазнаёміцца ​​з традыцыйнай беларускай музыкай, зразумець, як беларускіх людзей сфармавалі традыцыйныя  спевы і музыка ў цэлым.

Ведаючы  вытокi беларускай музыкі, можна як мага лепш сфармаваць сучасную культуру, не капіруючы што-небудзь, а ствараючы сваё, нешта новае і арыгінальнае. Лекцыя знаёміць нас з арыгінальнымі, жывымі, мясцовымі культурнымі адзінкамі (песнямі, творамі мастацтва ды інш.), якія былі "распрацаваны" яшчэ задоўга да таго, як былі ўтвораны словазлучэнні Рэспубліка Беларусь ці Злучаныя штаты Амерыкі.

Святя роднай мовы

Дзе: Кафэ «Грай» (Інтэрнацыянальная, 33)

Калі: 21 лютага (18.00)

Кошт: 5 рублёў

 

У кавярні «Грай» кожны знойдзе, чым сябе заняць. У пачатку святкаванне пройдзе у двух залах. У адным з іх намячаецца інтэлектуальная гульня «БIГ», прысвечаная беларускім традыцыям і культуры. У другім - «Гульнятэка», дзе кожны жадаючы можа згуляць у беларускія настольныя гульні, такія як «Багач», «Казачнік», «Прастол ВКЛ».

Пасля інтэлектуальна-забаўляльнай часткі плануецца прэзентацыя другой часткі кнігі Глеба Лабадзенка i Алесі Літвіноўскай "Мова нанова - 20 крокаў да беларускай мовы". Прычым, частку пра Коласа пісалі ягоныя ўнучка i праўнучка - Марыя i Васіліна Міцкевіч. А частку пра Быкава - найлепшы біёграф Быкава Сяргей Шапран.

Вечар закрые выступ беларускіх гуртоў «ZnaROCK», «Zanzibar», «Recha»

"Рок дзецям на Дзень роднай мовы"

Дзе: Клуб «Брюгге» (пр-т Партызанскі, 6А)

Калі: 22 лютага (18.00)

Кошт: бескаштоўна

 

У гонар Дня роднай мовы ў клубе «Брюгге» пройдзе дабрачынны канцэрт беларускіх выканаўцаў. На канцэрце будуць граць: «#SPRBZ / THE SUPERBULLZ», «ВАРОНА», «BarRokka», «Дабл!», «Р'э Мажор».

На мерапрыемстве можна не толькі добра правесці час за праслухоўваннем добрай музыкі ў прыемнай кампаніі, але і дапамагчы дзецям.

Для таго, каб зрабіць свой ўклад, кожны жадаючы можа прынесці з сабой фарбы, алоўкі, фламастэры, паперу, гліну - усё, што патрабуецца для творчасці. Усе прынесеныя прылады для творчасці паедуць у адзін з дзіцячых дамоў.

Люба Мяцелiца 

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
З 21 лютага 2000 года пачалася добрая традыцыя штогод адзначаць міжнародны Дзень роднай мовы.
 
 
 

РЕКЛАМА

Архив (Новости Общества)

РЕКЛАМА


Яндекс.Метрика