Тыдзень прафарыентацыі прайшоў у Сінькоўскім яслі-садзе - сярэдняй школе

Источник материала:

Правільна выбраная прафесія – гэта не проста ўдала ці няўдала прынятае рашэнне, а даволі часта шчаслівы ці нешчаслівы лёс, актыўнае, творчае і радаснае жыццё ці пасіўнае, абыякавае і бессэнсоўнае існаванне.

Тыдзень прафарыентацыі, які адбыўся ва ўстанове з 28 студзеня па 2 лютага, – адна са штогадовых формаў прафесійнай арыентацыі. Ён ахоплівае ўсе формы прафарыентацыйнай дзейнасці. У рамках Тыдня праводзяцца фотавыставы і выставы малюнкаў, ладзяцца гульні і конкурсы на лепшае веданне прафесій.

Вучэбныя заняткі прайшлі пад дэвізам “Фарміраванне прафесійнай накіраванасці асобы навучэнцаў сродкамі вучэбных прадметаў”. Выхаванцы дашкольных груп і малодшыя школьнікі прадставілі выставу малюнкаў “Прафесіі маіх бацькоў…”. Цікавасць у навучэнцаў выклікалі практычны занятак “У пошуках будучай прафесіі” (Х клас), гадзіна зносін “Хачу – магу – трэба” (VIII клас), адкрыты дыялог “Прафесійныя прыярытэты” (ХІ клас), гульнёвая праграма “Усе работы добрыя – выбірай на густ” (ІІІ-V клас), прафесійная дыягностыка.

Завяршыўся Тыдзень прафарыентацыі вечарам сустрэчы з выпускнікамі ўстановы адукацыі, у час якога старшакласнікі змаглі пазнаёміцца з былымі навучэнцамі, якія знайшлі свой шлях у жыцці.

Г. К. ЖАЛЕВІЧ,  намеснік дырэктара па вучэбнай рабоце.

Фота аўтара.