З 14 чэрвеня па 4 ліпеня ў Бешанковіцкім раёне будуць праходзіць вучэбныя зборы ваеннаабавязаных і камандна-штабное вучэнне па тэрытарыяльнай абароне

Як паведаміў начальнік адасобленай групы Шумілінскага раёна АРВК  Андрэй Собін, сёння ў Бешанковічы адпраўлена каля 20 афіцэраў запасу, якія будуць займацца ў першыя дні збору арганізацыйнымі пытаннямі. “19 чэрвеня з Шуміліна на ваенныя зборы адправяцца каля 40 чалавека, менавіта з гэтага дня і распачнуцца маштабныя ваенныя зборы, – расказвае Андрэй Міхайлавіч. –  Падчас вучэнняў будуць адпрацоўвацца ўменні і навыкі ваеннааабавязаных па спецыяльнасцях, якія яны маюць на выпадак ваеннага часу”.

3 ліпеня, у Дзень Незалежнасці Рэспублікі Беларусі, ваеннаабавязаныя, якія ўдзельнічаюць у зборах, прымуць удзел у святочным парадзе ў Віцебску.

Алесь САКАЛОЎ.

Надрукавана ў №47 ад 18.06.2019 г.