На улице Карла Маркса в Сенно, где с лета перекрыто движение автотранспорта, начался ремонт моста

Работы вядуцца сіламі і тэхнікай ДРБУ-146.

 — Завяршыць рамонт мы павінны праз два месяцы, — расказаў Раман Сочнеў, галоўны інжынер дарожна-будаўнічай арганізацыі. – Аднак будзем старацца, каб скараціць тэрмін работ, бо добра разумеем важнасць аб’екта для гараджан і дарожнага руху. Трэба паспець да першых снегападаў і замаразкаў.

 Дасягнуць жаданага выніку будзе няпроста. Ход работ ускладняецца тым, што праз палатно дарогі пракладзена некалькі кабеляў сувязі, праходзіць водаправод. Ды і рэчку трэба неяк утаймаваць.

 — Праектнае рашэнне праблемы знойдзена. Так што зараз трэба працаваць інтэнсіўна, але асцярожна, — падсумоўвае Раман Сочнеў.

«ГС».

 Фота Аляксандра Лазюка.