Абвешчаны абласны літаратурны конкурс сярод маладых пісьменнікаў «Адкрыццё»

Источник материала:

Брэсцкае абласное аддзяленне Саюза пісьменнікаў Беларусі сумесна з упраўленнем ідэалагічнай работы і па справах моладзі Брэсцкага аблвыканкама абвесцілі абласны літаратурны конкурс сярод маладых пісьменнікаў «Адкрыццё». Аб гэтым карэспандэнту pinsknews.by паведаміла старшыня аргкамітэта конкурсу Таццяна Дземідовіч.

ПАЛАЖЭННЕ
аб Брэсцкім абласным літаратурным конкурсе
маладых пісьменнікаў “Адкрыццё”

Агульнае палажэнне

Абласны літаратурны конкурс “Адкрыццё” праводзіцца Брэсцкім абласным аддзяленнем Саюза пісьменнікаў Беларусі сумесна з упраўленнем ідэалагічнай работы і па справах моладзі Брэсцкага аблвыканкама.

1. Мэты конкурсу. Падтрымка таленавітай і адоранай моладзі. Прыцягненне ўвагі да тэмы патрыятызму, папулярызацыя духоўных і культурна-гістарычных каштоўнасцяў.
2. Удзельнікі конкурсу. Да ўдзелу ў абласным літаратурным конкурсе “Адкрыццё” запрашаюцца вучні 10-11 класаў устаноў сярэдняй адукацыі Брэсцкай вобласці і моладзь да 35 гадоў.
3. Намінацыі. 

Конкурс праходзіць ў трох намінацыях на беларускай і рускай мовах:

• «Беларусь – мая маці і мова, паветра і хлеб” (Пімен Панчанка) – разглядаюцца вершы, прысвечаныя Радзіме.
• “I спеліцца ў душы Купалавае слова» (Яўгенія Янішчыц)” – разглядаюцца вершы вольнай  тэматыкі.
• “Добра быць у дарозе, якую ты сам сабе выбіраеш” (Якуб Колас) – конкурс эсэ ( да 5000 знакаў).

У кожнай намінацыі ў дзвюх узроставых катэгорыях (15-25 гадоў, 25-35 гадоў) вылучаюцца пераможцы: 1-е, 2-е, 3-е месцы.

4. Умовы, тэрміны і парадак правядзення конкурсу. 

Літаратурныя творы прымаюцца на конкурс з 1 студзеня па 1 сакавіка 2020 года. У склад журы ўваходзяць знакамітыя пісьменнікі, журналісты, літаратуразнаўцы. Па выніках конкурсу лепшыя творы будуць апублікаваны на старонках літаратурнага зборніка “Адкрыццё”, пераможцы будуць узнагароджаны дыпломамі і прызамі падчас абласнога свята “Адкрыццё”.

5. Работы неабходна накіроўваць на адрас Брэсцкага абласнога аддзялення “Саюз пісьменнікаў Беларусі” (224013, г. Брэст, праспект Машэрава, 75\1, к. 605).

Работы, дасланыя пасля ўказанага тэрміну, не разглядаюцца. Дасланыя матэрыялы не рэцэнзуюцца і не вяртаюцца. На тытульным лісце неабходна ўказаць:

• прозвішча, імя, імя па бацьку;
• дату нараджэння;
• месца працы або вучобы;
• адрас для перапіскі;
• нумар кантактнага тэлефона;
• е-mail (калі ёсць).