Ребята из Ясенского приюта принимали гостей в День внутренних войск

Источник материала:

“У бядзе не пакідаюць!”

Дзень унутраных войск святкавалі ў Беларусі 18 сакавіка. Шэраг асіпаўчан, якія служылі менавіта ў такіх падраздзяленнях, вырашылі сваім святам падзяліцца з дзецьмі — і завіталі ў сераду ў Ясенскі сацыяльны прытулак.

— Першапачаткова планавалі арганізаваць паказальнае выступленне са службовымі сабакамі, але эпідэміялагічная сітуацыя, на жаль, не дазволіла, — каменціруе адзін з ініцыятараў мерапрыемства Аляксандр Анікееў. — І ўсё ж вырашылі не адмаўляцца ад візіту. У тых, хто служыў ва ўнутраных войсках, існуе традыцыя не пакідаць сваіх у бядзе, падтрымліваць у цяжкіх жыццёвых абставінах. Рабяты з прытулку зараз менавіта ў такой сітуацыі, таму трэба хоць крыху іх падтрымаць і парадаваць. Загадзя дамовіліся, што прывезці з неабходнага. Але і пра цацкі не забылі: павінна ж нешта і для душы быць. Спадзяёмся, хлопчыкам і дзяўчынкам падарункі спадабаліся. Ну а мы паабяцалі, што яшчэ вернемся да дзяцей з паказальным выступленнем.

Фота і відэа прадстаўлены ўдзельнікамі сустрэчы.